عمك نتقو بقى مذيع

عمك تنقو الأمرو بديع
قال الليلة أبقى مذيع
لبس البدلة وشال نضارتو
الليلة خلاص خلاها شتارتو
النيل الأزرق عملو طريقة
ولع الاستديو سواها حريقة
عمل برنامج مع رشا الرشيد
ونانسى عجاج قال سمحة شديد
لى تسابيح سوالو رشاقة
جابلو ورود كمان فى باغة
عمك تنقو مذيعنا اللامع
يسأل ضيفو بتعليقو يقاطع
يمط في سؤالو ثلاث صفحات
كله إعادة ملان شطحات
كلامو كتير اكتر من ضيفو
شغال بي مزاجو بي كيف كيفو
فى قناة طيبة بقى مولانا
فى الفتاوى قام غشانا
برامجو مباشر سؤال و حوار
فتاوى خطيرة ليها أثار
قال النسوه بخشو النار
حتى الشفع في سبيس تون
يخفف دمو ضحك و جنون
عمك تنقو شوية شوية
مع الارصاد اخبار جوية
كتاحة جاياكم كمان قوية
عمك تنقو محل ما يقبل
يطبظ فيها وحظه منيل
نصحو عمك إنه يقيف
قام نقلوه للإرشيف
خلى العازة حياتها جحيم

» عمك نتقو بيلعب كورة